可乐君寻日起身睇微博果阵，
又睇到一个令人气愤的消息，
《交响情人梦》要被翻拍成国产电视剧，
仲要成60集！
我~好~嬲~啊！！！（杜如风声线）
喂，D人得唔得唔好乱嚟啊，
韩剧唔俾搞就搞日剧！
《交响情人梦》可以话係经典日剧之一，
基本上你未睇过都肯定听过。
当年最终章，
郎朗甚至有喺入面
客串咗莫扎特的《土耳其进行曲》，
真係好正！
佢同时都属于一套漫改片，
特别上野树里同玉木宏塑造的
野田妹同千秋王子，
基本上好难被超越。
（呢一幕超经典）
呢个时期，
玉木宏算係正值佢嘅颜值巅峰，
佢简直係现实版千秋王子的化身，
可惜之后就暴瘦到有D吓人，
虽然宜家好D，
但又老咗了。
野田妹超级精灵可爱，
虽然成日被千秋虾，
但实力又好劲，
上野树里果阵真係超特意，
以至于《最后的朋友》果阵，
可乐君完全接受唔到佢嘅转变！
而演艺的部分更加难被超越啦！
佢哋两个搞笑得嚟又够冧，
真係睇到好开心！
而且当时的演员阵容真係好强大，
当年黄毛爆炸头瑛太
饰演首席小提琴手峰龙太郎。
超有气质的水川姐姐小提琴优质生三木清良。
小出惠介当年嘅形象认真搞笑，
佢係负责定音鼓同打击乐器的奥山真澄。
福士诚治出演双簧管武士黑木泰则。
可爱的沙耶子当时出演了低音大提琴手佐间樱。
而老戏骨竹中直人饰演了超咸湿的休得列杰曼，
虽然造型猎奇盏鬼，
但佢係一个好重要的存在！
其实韩国14年曾经翻拍过《交响情人梦》，
由周元同沈恩京主演，
虽然两人都係实力演技派，
但演绎得一塌糊涂。
特别係野田妹的塑造，
好似弱智咁，
认真令人失望！
虽然唔知到时国产选角又会係边个，
但根据以往的套路猜测
如果男主角要演一个又靓仔
又够power的指挥家，
到时可能会拣个
觉得自己靓仔到宇宙冇得比嘅无演技派，
一唔係就係果种隔硬扮到自己好鬼有气质
的伪演技派啦！
女主角可能就会稳个装疯卖傻的女演员了，
到时就真係唔慌唔《家乡情人梦》了！
（呢D唔係偏见，而係对极大部分的国产翻拍剧的一个选角总结~）
其实呢套都唔係第一出话要被翻拍的日剧，
好似之前已经被翻拍咗嘅
《约会恋爱究竟是什么》、《求婚大作战》、《问题餐厅》。
前者的效果虽然冇想象中咁差，
但情节和人设根本和日剧一样，
咁有咩必要翻拍啊？
大家点解唔睇原版咧？
《求婚大作战》同样係日剧经典，
韩国喺早几年都翻拍过，
虽然男主係俞承浩，
但反响依然一般般。
而中国版就稳咗当红小生张艺兴嚟拍，
剧照就已经大量释出了，
今个月24号先上映。
首先造型一开波就觉得捞足9条街，
我学校D校服都唔係咁难睇噶咯！
演技方面更令人失望，
第一?出剧运用到配音，
就令成件事好失真；
第二?台词令人尴尬，
编剧可以用脑写下台词吗；
第三?普遍演员演技差，
张艺兴演技真係算好了，
睇睇其他人，
真係吓死人！
后者的剧情演技让人尴尬无比，
而且都係以“忠于原版”为主，
冇咩创意又有种捞味！
而《最完美的离婚》都准备要被翻拍成国产片，
又一部好剧要被毁！
咁国产电视，
係咪真係咁差，
点解一定要不断翻拍外国的戏先？
难道内地就冇原创剧係好睇了吗？
其实最近国产片《人民的名义》
係得到很好的反响，
剧情贴合实际之余，
演员的演技更让人赞不绝口。
以前其实有好多评价不错的原创国产剧，
近期的譬如之前《琅琊榜》
连日本韩国人都话正。
《战长沙》都係一部高分剧集。
仲有《无心法师》、《他来了请闭眼》等等，
都係非常有特色的国产片。
但只要係翻拍的偶像剧，
尴尬程度已经令人觉得，
编剧和导演有冇脑噶？！
譬如《落跑甜心》和《一起来看流星雨》
就係经典丑·翻拍片！
而且令人气愤嘅係，
不但电视剧翻拍人就算了，
连综艺都起势咁翻，
前几年就死咁买甚至抄韩国的节目，
《跑男》已经将《Running Man》毁晒，
《我是歌手》已经毁咗一批歌手，
之后《中国好声音》更加假又作，
而宜家，
竟然又买咗《VS岚》的版权，
简直无法忍！！！！！！！
《Running Man》就曾抄袭过
《VS 岚》中的游戏“Korokoro Viking”，
制作组后来对此发表了公开道歉。
湖南卫视的《快乐大本营》
曾经抄袭过“Falling Pipe”这个游戏，
以及岚的另一档冠名节目《交给岚吧》
中的多个环节。
人哋係国民组合Arashi主持，
而且节目从09年到宜家，
已经有成8年之久了。
除咗超级有默契的五子之外，
节目D设定都超好玩！
不过听闻这个翻版节目就係《高能少年团》，
其实佢已经播出咗2集，
但里面係冇《VS岚》的内容，
唯一相同的就只有主持人人数。
可乐君认为呢个係件好事，
至少佢哋做紧原创嘢，
冇话照抄！
其实国产电视剧和综艺真係可以做得好，
希望大家好似陈道明先生咁，
真係认真做好影视方面，
呈现给观众的不是照搬照抄的影视作品。
其实中国有很多很好的演员和编导，
钱重要，文化更重要！
最后俾大家复习下《交响情人梦》
的Sweet Sweet片段吧！
官方微信：可乐生活color(colorcolor818)
官方唯一商务合作QQ：1902182069
