来源：广州正嘢
无线2017年度宫斗剧
《宫心计2深宫计》
终于开机啦！
就演员阵容喺目前TVB嚟讲
已经算係好华丽
无咗佘诗曼、杨怡、郑嘉颖等主演
但係都云集咗TVB当红小生花旦
绝对係2017年TVB重头大戏
早前剧组举行定妆发布会
现场演员身着戏服，嚟远睇
各个好似雍容华贵、熠熠生辉
其实你认真睇
啲衫同八年前嘅《宫心计1》简直一模一样
将第一部嘅戏服重新搭过就变第二部
叻！
先嚟睇下岩岩摞完视后嘅胡定欣先
佢喺剧中饰演皇后
睇造型就已经估到呢个係一个“狠角色”
不过好多网友都话
睇胡定欣已经睇到视角疲劳
咁多年总係一副宫女相嘅佢
呢家竟然可以做“皇后”
唔知够唔够气场驾驭呢个角色呢？
而且大家又无发现
胡定欣额头画嘅花钿有啲熟口面
↓
啊！原来係国产中嘅战斗机
“华为”
莫非华为打广告打到去皇后额头，哈哈~
刘心悠就饰演一个识功夫嘅公主
佢当年《步步惊心》嘅古装打扮惊艳咗好多人
今次再着上古装，成个人大气得体
而且气质就比一人种善良嘅感觉
有啲似当年佘诗曼饰演嘅刘三好
不过好多网友都吐槽
连粤语唔正嘅刘心悠
点演古装片嘅女主啊？莫非后期配音？
睇嚟TVB真係山穷水尽无人用喇~
而剧中另一亮点
当然就係宅男女神周秀娜啦
周秀娜第一次出演古装戏
不过睇完造型之后
小编觉得娜姐真係完全唔适合古装囖...
有种好违和嘅感觉
不过唔紧要，人地有“料”啊！
唔知係咪其他女演员戏服款式嘅问题
骤眼一看，得娜姐“事业线”外露
抢晒镜啦~
但係要知道喺一众花旦嘅宫斗戏入面
事业线再劲，无演技观众都係唔收货嘎！
而饰演皇帝嘅马浚伟仲透露
会同胡定欣、周秀娜有香艳出浴戏份
表示已经申请喺4月拍呢组戏份
要喺呢几个月keep好啲身材
再睇埋啲“熟女”配角
米雪、谢雪心、康华、张慧仪
张文慈、罗霖仲有陈炜
呢班人加埋成两百岁啦！
不过你睇下“米雪姐姐”
今年62岁都仲係咁有气质
小编真係好期待呢班“老戏骨”彪戏！
而且佢地睇落
比胡定欣、周秀娜佢地有气质得多
仲有香港媒体做过统计
《宫心计2》全剧女演员加起身，成450岁！
呢班女人吵起交上嚟
谂到都惊惊哋！
无杨怡同佘诗曼
女主一个视角疲劳、一个古装打扮劲怪
一个连广东话都唔正
呢部《宫心计2》你地仲追唔追？
【特别声明！本文中的图片来自网络，版权归原创者所有！感谢作者分享，如有侵权，请通知删除！】
END
佛山吃喝玩乐直通车
微信号：fschihewanle
▲长按二维码“识别”关注
简介：佛山地区第一微信自媒体，聚集大量本地吃货，白领每天精选佛山地区吃喝玩乐、旅游美食、优惠打折等第一手资讯，与你一起，吃喝玩乐，玩转佛山！商务合作，美食探店，请联系主编微信：lidaqiang726
